"Mehnat muhofazasi haftaligi" o'tkazildi

Ma'lumki, “28-aprel' – Butunjahon mehnatni muhofaza qilish kuni”. 2003-yil 28-apreldan beri har yili dunyoning 100 dan ortiq davlatlarida Xalqaro mehnat tashkilotining tashabbusi bilan nishonlab kelinayotgan an'anaga aylangan tadbir - butun dunyo hamjamiyatini katta muammoga, ya'ni ish joylarida sodir bo‘layotgan oqibati yengil, og‘ir va o‘lim bilan tugagan baxtsiz hodisalarni, kasb-kasalliklarga chalinishni oldini olish va mehnat muhofazasi masalalariga e'tiborni kuchaytirishga qaratilmoqda. 

Shu munosabat bilan, “ALOQALOYIHA” Davlat unitar korxonasida 2021-yil 26-29-aprel' kunlari “Butunjahon mehnatni muhofaza qilish kuni”ga bag‘ishlangan “Mehnat muhofazasi haftaligi” tashkil etildi. Haftalik doirasida “Mehnatni muhofaza qilish tushunchasi”, “Sanitariya va gigiena asoslari”, “Yo‘l harakati xavfsizligi qoidalariga amal qilishda haydovchi va piyodalarning mabjuriyatlari”, “Xodimlarning tibbiy ko‘rikdan o‘tishini tashkil qilish tartibi” hamda “Yong‘in xavfsizligi” mavzularida xodimlarga tushuntirish ishlari olib borildi.